全港十八區衞生問題,地區人士一直金睛火眼(目及)到實,立法會議員兼屯門區議員何君堯忽發奇想,建議「借調」部分領取綜援嘅人士幫手清潔,並藉此協助綜援人士重新走進社區。佢形容有關做法積極,「總好過大家留在議事 堂裏拉布做口水佬」,唔知有幾多人真係會響應何君堯嘅建議呢?

何君堯忽發奇想,建議政府借調部分領取綜援嘅人士參與清潔活動。(陳章存攝)
何君堯忽發奇想,建議政府借調部分領取綜援嘅人士參與清潔活動。(陳章存攝)

稱能減少彼此隔膜

何君堯前日喺facebook發貼談及五一勞動節隨筆,指自己平日喺開車途中,不時見到路邊雜草叢生同四處垃圾,「一些開放式的垃圾站,垃圾亂堆」,佢忽發奇想建議,如果十八區區議會設定機製,安排議員定期同食環署人員 出巡,以協助清理各區衞生黑點。

唔單止咁,佢仲話目前有二十多萬領取綜援嘅人士,建議喺政府統籌下,「借調」部分嚟參與清潔活動,共同維護公共設施,改善社區環境,倡導香港是我家嘅概念。佢仲提及,更重要嘅係可 以協助綜援人士重新走進社區,減低市民之間,甚至同各政府部門之間嘅隔膜喎。

 

原文地址:http://orientaldaily.on.cc/cnt/news/20170503/00176_093.html